<span></span>
Ƙungiyar Bournemouth ta Ingila ta sanar da ɗaukar matashin ɗan wasan gaba Alvaro Rodriguez daga ƙungiyar Elche ta Sifaniya kan kuɗi kimanin fam miliyan 27.5.
Rodriguez mai shekara 22 ya rattaba hannu kan doguwar yarjejeniya, inda ya zama ɗan wasa na farko da sabon kocin ƙungiyar, Marco Rose, ya ɗauka.
Matashin ɗan wasan ya zura ƙwallaye bakwai a gasar La Liga ta kakar bara, ciki har da waɗanda ya ci Barcelona da Real Madrid da Atlético Madrid.
Rodriguez ya taso ne daga makarantar horas da matasa ta Real Madrid, inda ya fara buga wa babbar ƙungiyar wasa a shekarar 2023 kafin ya tafi zaman aro a Getafe, sannan ya koma Elche a shekarar 2025.
Da yake magana bayan kammala cinikin, Rodriguez ya ce cikar burinsa ne na taka leda a gasar Firimiya ta Ingila.
Ya ce samun damar komawa Bournemouth babban abin alfahari ne a gare shi, inda ya ƙara da cewa zai yi ƙoƙarin ci gaba da inganta ƙwarewarsa tare da nuna bajintarsa a sabon ƙalubalen da ke gabansa.
Masu alaƙa
About the Author
