<span></span>
Ɗalibai da malaman da aka yi garkuwa da su a Karamar Hukumar Orire da ke Jihar Oyo sun kuɓuta daga hannun masu garkuwa da mutane.
Mai Taimakawa Shugaban ƙasa na Musamman kan Labarai, Bayo Onanuga ne ya bayyana hakan a ranar Juma’a.
A wani saƙo da ya wallafa a shafinsa na X (wanda aka sani da Twitter a baya) Onanuga ya sanar a takaice cewa masu garkuwar sun saki mutanen suka yi garkuwa da su.
“A ƙarshe dai, ɗalibai da malaman da aka sace a Orire Jihar Oyo, masu garkuwa da mutane sun sake su,” in ji shi.
Har zuwa lokacin haɗa wannan rahoto, ba a bayyana cikakkun bayanai game da sakin nasu ba, ciki har da ko an biya kuɗin fansa ko kuma yanayin da ya kai ga samun ’yancinsu ba.
Masu alaƙa
About the Author
