<span></span>
A ƙasar Mali, wasu mayaka masu ikirarin jihadi sun sake kai wasu jerrin hare-hare a yau asabar a wasu da dama daga gidajen yari da ke Gao, Anefis, Aguelhok da Sevare, da kuma wani gidan yari a Kenieroba .
Masu ikirarin jihadi dauke da manyan makamai tare da hadin gwiwar Abzinawa sun afkawa gidajen yari da nufin fitar da wasu daga cikin mutanen su da ake tsare da su a ƙasar ta Mali.
Rahotani na bayyana cewa,an ji karar harbe-harbe a yankunan a Gao,Anefis, Aguelhok da Sevare, da kuma wani gidan yari a Kenieroba.
Mohamed Elmaouloud Ramadane, mai magana da yawun Abzinawa,a wata sanarwa da ya fitar,ya na mai cewa mayakansu na cikin birnin” na Anefis.
A Gao, a arewacin Mali, sheidu sun tabbatar da harbe-harbe da “fashe-fashe a harabar bariqin sojoji.
A tsakiyar garin Sevare, an gwabza faɗa daga misalin karfe 5:00.
Rahotani na baya-baya na nuni cewa wasu maharan sun kai hari gidan yarin Kenieroba, inda ake tsare da wasu mayaka masu ikirarin jihadi, mai nisan kilomita 12 daga babban birnin Bamako.
About the Author
