Hotunan taron cika shekara ɗaya da rasuwar tsohon shugaban ƙasa Buhari

A ranar Litinin, 13 ga watan Yulin 2026, tsohon shugaban Najeriya Muhammadu Buhari ya cika shekara ɗaya cif da rasuwar.

Wannan ne ya sanya abokan tafiyarsa a lokacin da yake raye suka shirya wani gagarumin taron tunawa da shi a Abuja babban birnin ƙasar.

• Kotu ta bayar da belin Dokta Bashir Kurfi
• Matatar Dangote ta koma sayar da man fetur a farashin dalar Amurka

Buhari na daga cikin ’yan siyasa ƙalilan waɗanda suke da tarin mabiya da masoya a lokacin rayuwarsa, lamarin da ya sanya ya riƙa samun ɗimbin ƙuri’u a duk lokacin da ya yi takara, tun yana faɗuwa, har zuwa lokacin da ya samu nasarar zama shugaban ƙasa a shekarar 2015.

A ranar 13 ga watan Yulin 2025 ne tsohon shugaban ƙasar ya rasu a wani asibiti da ke birnin Landan, shekara biyu bayan sauka daga mulki.

A taron da aka shirya na tunawa da rasuwar tasa a Abuja, babban birnin Najeriya iyalai da abokai sun taru inda suka riƙa faɗin abubuwan da suka sani game marigayin.

r